Home Budget After GST Reform: GSTच्या कपातीनंतर महिन्याच्या खर्चात किती होणार बचत? तेल-मीठापासून जाणून घ्या सगळा हिशोब

Published by:Shrikant Bhosale

Last Updated:September 04, 2025 8:04 AM IST

GST Reform Household Expenses: तूप, तेल आणि मीठ-पीठ इत्यादी दैनंदिन वापराच्या सर्व वस्तूंवर जीएसटीमध्ये कपात करण्यात आली आहे.

Budget After GST Reform: अर्थमंत्री निर्मला सीतारमण यांनी जीएसटी कौन्सिलच्या 56व्या बैठकीचे निर्णय जाहीर करत देशवासियांना मोठा दिलासा दिला. बुधवारी झालेल्या या बैठकीत जीएसटी दरात मोठा बदल करण्यावर शिक्कामोर्तब करण्यात आले. जीएसटीमधील या नव्या कर रचनेच्या बदलामुळे सामान्य लोकांना मोठा दिलासा मिळण्याची अपेक्षा आहे, तूप, तेल आणि मीठ-पीठ इत्यादी दैनंदिन वापराच्या सर्व वस्तूंवर जीएसटीमध्ये कपात करण्यात आली आहे. जीएसटी कपातीनंतर तुमचे घरगुती खर्च कमी होणार आहेत.

निर्मला सीतारमण यांनी सांगितले की, हा बदल 'जीएसटी 2.0' चा एक भाग आहे. पंतप्रधान नरेंद्र मोदी यांनी स्वातंत्र्यदिनाच्या भाषणात दिलेल्या आश्वासनानुसार आहे. हा निर्णय सामान्य माणूस, शेतकरी, मध्यमवर्ग आणि एमएसएमई यांना दिलासा देण्यासाठी उचलण्यात आले असल्याचे त्यांनी सांगितले.

बैठकीत दरांचे तर्कसंगतीकरण करण्यावर लक्ष केंद्रित करण्यात आले, जिथे 12 टक्के स्लॅबमधील 99 टक्के वस्तू 5 टक्के स्लॅबवर हलवण्यात आल्या. त्याच वेळी, 28% स्लॅबमधील 90% वस्तू 18% वर हलवण्यात आल्या. यामुळे दैनंदिन वापराच्या वस्तूंवरील कर कमी होईल, ज्यामुळे महागाई नियंत्रणात येण्यास मदत होईल, असा विश्वास त्यांनी व्यक्त केला आहे.

कोणती वस्तू किती स्वस्त होईल?

जीएसटी कपातीचा सर्वात मोठा फायदा घरगुती बजेटवर होईल. तूप, तेल, पीठ आणि मीठ यासारख्या मूलभूत वस्तूंच्या नवीन दरांच्या आधारे आपण किती बचत होईल, याचा अंदाज घेता येईल.

तूप: पूर्वी तुपावर 12 टक्के जीएसटी आकारला जात होता, जो आता 5% पर्यंत कमी करण्यात आला आहे. जर आपण बाजारात एक किलो तुपाची मूळ किंमत 500 रुपये गृहीत धरली तर जुन्या दराने जीएसटी 60 रुपये होता. त्यानंतर एकूण किंमत 560 रुपये होईल. नवीन दराने 25 रुपये जीएसटी आकारला जाईल, त्यानंतर किंमत फक्त 525 रुपये होईल. जर एखाद्या कुटुंबाने दरमहा 2 किलो तूप वापरले तर 70 रुपयांची बचत होईल.

तेल: खाद्यतेल 5 टक्के स्लॅबमध्ये होते, परंतु काही पॅकेज केलेल्या प्रकारांवर 12 टक्के जीएसटी होता. आता सर्व 5 टक्के स्लॅबमध्ये समाविष्ट झाले आहे. जर आपण 1 लिटर तेलाची मूळ किंमत 150 रुपये गृहीत धरली तर जुन्या 12% दराने जीएसटी 18 रुपये होता. नवीन 5% दराने जीएसटी 7.5 रुपये होईल. यानुसार, 5 लिटर तेलावर 52.5 रुपयांची बचत होईल.

पीठ: पूर्वी ब्रँड नसलेल्या पिठावर जीएसटी नव्हता, परंतु ब्रँडेड पिठावर 5 टक्के जीएसटी आकारला जात होता. आता ब्रँडेड पॅकेज्ड मैदा देखील शून्य टक्के जीएसटीमध्ये बदलण्यात आला आहे. जर पिठाची किंमत 40 रुपये प्रति किलो असेल तर पूर्वी 5 टक्के जीएसटीनुसार 20 रुपये अतिरिक्त द्यावे लागत होते.

मीठ: मीठ आधीच शून्य टक्के होते आणि त्यात कोणताही बदल झालेला नाही. अशा परिस्थितीत, त्याचे दर पूर्वीसारखेच राहतील.

याशिवाय, बटर, पनीर, रोटी, पिझ्झा, दूध, रोटी आणि पराठा इत्यादींवर कोणताही जीएसटी लागणार नाही. साबण, शाम्पू आणि टूथब्रश सारख्या दैनंदिन वापरातील वस्तू स्वस्त होतील. त्याशिवाय, विम्यावरही आता जीएसटी नसणार, त्यामुळे त्यांचा प्रिमियमही कमी होणार असून यातही बचत होणार आह.ो

view comments

Location :

Mumbai,Maharashtra

First Published :

September 04, 2025 8:04 AM IST

Home Budget After GST Reform: GSTच्या कपातीनंतर महिन्याच्या खर्चात किती होणार बचत? तेल-मीठापासून जाणून घ्या सगळा हिशोब

Home Budget After GST Reform: GSTच्या कपातीनंतर महिन्याच्या खर्चात किती होणार बचत? तेल-मीठापासून जाणून घ्या सगळा हिशोब

GST Reform Household Expenses: तूप, तेल आणि मीठ-पीठ इत्यादी दैनंदिन वापराच्या सर्व वस्तूंवर जीएसटीमध्ये कपात करण्यात आली आहे.

कोणती वस्तू किती स्वस्त होईल?

फोटो

ताज्या बातम्या