HDFC बँकेत अकाउंट आहे का? मग ही माहिती अवश्य वाचा, बँकेने दिला इशारा 

एचडीएफसी बँकेने एका निवेदनात म्हटले आहे की, तुमचा बँकिंग अनुभव सुधारण्यासाठी, आम्ही 13 डिसेंबर 2025 रोजी पहाटे 02:30 ते सकाळी 06:30 आणि 21 डिसेंबर 2025 रोजी पहाटे 02:30 ते सकाळी 06:30 पर्यंत आवश्यक सिस्टम मेंटेनन्स करत आहोत. प्रत्येक मेंटेनन्स विंडो चार तास चालेल.

13 डिसेंबर 2025 - पहाटे 2:30 ते सकाळी 6:30

21 डिसेंबर 2025 - पहाटे 2:30 ते सकाळी 6:30

शेड्यूल्ड डाउनटाइम दरम्यान, ग्राहक HDFC बँक अकाउंटशी जोडलेल्या यूपीआय सर्व्हिस वापरू शकणार नाहीत. एचडीएफसी बँकेच्या बचत आणि चालू खात्यांद्वारे यूपीआय व्यवहार, एचडीएफसी बँकेने जारी केलेल्या रुपे क्रेडिट कार्ड वापरून केलेले पेमेंट आणि एचडीएफसी बँक मोबाइल बँकिंग अॅपद्वारे केलेले व्यवहार उपलब्ध राहणार नाहीत. एचडीएफसी बँकेवर त्यांचा पेमेंट सेवा प्रदाता म्हणून अवलंबून असलेल्या थर्ड-पार्टी अ‍ॅप्स (टीपीएपी) द्वारे प्रोसेस केलेले यूपीआय पेमेंट आणि ज्या व्यापाऱ्यांचे यूपीआय सेटलमेंट किंवा कलेक्शन त्यांच्या एचडीएफसी बँक खात्यांशी जोडलेले आहेत त्यांनाही या तासांमध्ये सर्व्हिसमध्ये प्रॉब्लम येईल.

कोणतीही गैरसोय टाळण्यासाठी, HDFC बँकेने आपल्या ग्राहकांना मेंटेनेंसच्या वेळेत पेमेंट आणि ट्रान्सफरसाठी PayZapp वॉलेटवर स्विच करण्याचा सल्ला दिला आहे. बँकेने यूझर्सना आश्वासन दिले आहे की त्यांच्या PayZapp सेवा सामान्यपणे काम करत राहतील.