Saving Account मध्ये किती पैसे ठेवता येतात? RBI चा नियम काय?

या सेव्हिंग अकाउंटमध्ये रोखीने पैसे जमा करण्याचीही लिमिट आहे. आयकर नियमांनुसार, एखादी व्यक्ती एका आर्थिक वर्षात त्याच्या बचत खात्यात जास्तीत जास्त 10 लाख रुपये रोख ठेवू शकते. यापेक्षा जास्त रोख रक्कम जमा झाल्यास बँकांना त्या व्यवहाराची माहिती आयकर विभागाला द्यावी लागते. यासोबतच तुम्ही तुमच्या अकाउंटमध्ये 50 हजार रुपये किंवा त्याहून अधिक रोख जमा करता तेव्हा तुम्हाला त्यासोबत पॅन क्रमांक द्यावा लागेल. तुम्ही एका दिवसात 1 लाख रुपयांपर्यंत रोख जमा करू शकता. तसेच, जर तुम्ही तुमच्या अकाउंटमध्ये नियमितपणे रोख जमा करत नसाल तर ही मर्यादा 2.50 लाख रुपयांपर्यंत जाऊ शकते.

तुम्ही तुमच्या अकाउंटमध्ये 10 लाखाच्या लिमिटपेक्षा जास्त रोख रक्कम जमा केली आणि आयकर रिटर्नमध्ये त्याच्या स्त्रोताविषयी समाधानकारक माहिती दिली नाही. तर छाननी शक्य आहे. या छाननीत तुम्ही पकडले गेल्यास तुम्हाला मोठा दंड ठोठावला जाईल. तुम्ही उत्पन्नाचा स्रोत उघड केला नाही, तर जमा रकमेवर 60 टक्के कर, 25 टक्के अधिभार आणि 4 टक्के उपकर लावला जाऊ शकतो.