ट्रेननं प्रवास करणाऱ्यांसाठी महत्त्वाची बातमी, तिकीट काढलं तरी या चुकीमुळे द्यावा लागेल दंड

ट्रेननं प्रवास करत असाल तर आता वाट्टेल तेवढं सामान घेऊन जाता येणार नाही. त्याचं कारण असं की, आता विमानाप्रमाणे ट्रेनमध्येही सामानाच्या वजनासाठी निर्बंध लावण्यात येणार आहेत. भारतीय रेल्वेनं सामानासा देखील काही नियम आणि निर्बंध आणले आहेत. प्रवास करणाऱ्यांसोबत नियमापेक्षा जास्त सामान असेल तर त्यांना घेऊन जाता येणार नाही. येत्या काळात ठरवलेल्या मर्यादेपेक्षा जास्त वजनाचे सामान घेऊन प्रवास केल्यास प्रवाशांना अतिरिक्त शुल्क भरावे लागणार आहे. रेल्वे प्रशासनाच्या मते, हा निर्णय प्रवाशांची सुरक्षितता आणि सोयी लक्षात घेऊन घेतला जात आहे.