Gas Cylinder Price Hike: इराण-इस्रायल युद्धाचा भारताला फटका! घरगुती गॅस सिलिंडर महाग, 60 रुपयांनी वाढले दर

घरगुती सिलिंडर थेट ६० रुपयांनी महागला आहे. महागाईच्या या धसक्यामुळे सामान्य माणसाचं महिन्याचं बजेट आता पूर्णपणे कोलमडलं आहे. आज ७ मार्चपासूनच हे नवे दर लागू झाल्याने ग्राहकांना मोठा आर्थिक फटका बसणार आहे. एप्रिल २०२५ पासून गॅसचे दर स्थिर होते, पण आजच्या या दरवाढीने एका झटक्यात सर्वसामान्यांच्या खिशाला कात्री लावली आहे.

दिल्लीत आता ९१३ रुपये मोजावे लागतील. मुंबई आणि चेन्नईत ही किंमत ९२५ रुपयांच्या पार गेली आहे. कोलकात्यात तर ९३९ रुपयांचा आकडा गाठला आहे. फक्त घरगुतीच नाही, तर कमर्शियल सिलिंडरही ११५ रुपयांनी महागल्याने बाहेरचं जेवणही आता महागणार आहे.

हॉटेल चालक आता जेवणाच्या थाळीचे दर वाढवण्याची शक्यता आहे, ज्यामुळे बाहेर खाणं देखील सामान्यांच्या आवाक्याबाहेर जाणार आहे. मध्यपूर्वेतील तणावामुळे जागतिक स्तरावर कच्च्या तेलाचे भाव वधारले आहेत. त्याचाच परिणाम म्हणून गॅस कंपन्यांनी ही दरवाढ केल्याचं सांगितलं जातंय.