LPG Price Hike: महागाईचा भडका उडाला, व्यावसायिक एलपीजी पाठोपाठ ५ किलोचा सिलिंडरही झाला महाग, किती रुपयांनी झाली दरवाढ?

५ किलोचे फ्री ट्रेड एलपीजी (FTL) सिलिंडर, हा सामान्यतः 'छोटू' म्हणून ओळखला जातो. इण्डेन, भारत गॅस आदी गॅस कंपन्यांकडून याचे वितरण केले जाते. एलपीजीचा कमी वापर किंवा जास्त प्रवास करणाऱ्या व्यक्तींसाठी हा सिलिंडर फायदेशीर आहे. यामध्ये स्थलांतरित कामगार, विद्यार्थी आणि कायमस्वरूपी पत्त्याचा पुरावा नसताना एकटे राहणारे नोकरदार, मजूर यांचा समावेश होतो. हे कॉम्पॅक्ट सिलिंडर लहान व्यावसायिक (हॉटेल-खाद्यपदार्थ स्टॉल्स), कॅम्पर्स आणि घरगुती बॅकअपसाठी देखील वापरले जातात. त्यामुळे या गॅसच्या दरवाढीची झळ सामान्यांना बसण्याची शक्यता आहे.

आजपासून १९ किलोच्या व्यावसायिक गॅस सिलिंडरच्या किमतीत मोठी वाढ झाली आहे. दिल्लीत व्यावसायिक एलपीजी सिलेंडरची किंमत आता २०७८.५० रुपये झाली आहे. यापूर्वी तो १,८८४.५० रुपयांना उपलब्ध होता. कोलकातामध्ये १९-किलोग्राम सिलेंडरची किंमत २२०८ रुपये, मुंबईत २०३१ रुपये आणि चेन्नईत २२४६.५० रुपये झाली आहे. पाटणामध्ये व्यावसायिक एलपीजी सिलेंडरची किंमत ₹2365 आणि जयपूरमध्ये ₹2031 पर्यंत वाढली आहे.

व्यावसायिक गॅस महागला असला तरी, घरगुती वापराच्या (१४.२ किलो) एलपीजी सिलिंडरच्या किमतीत आज कोणताही बदल करण्यात आलेला नाही. दिल्लीत घरगुती सिलिंडरचे दर अद्याप ९१३ रुपये इतकेच आहेत. ७ मार्च रोजी घरगुती गॅसमध्ये ६० रुपयांची वाढ करण्यात आली होती.