इराण युद्धात ज्याची भीती तेच घडलं, पेट्रोल डिझेलच्या दरात वाढ, मुंबई-पुण्यात काय आहेत दर?

सर्वसामान्यांना वाटू शकतं की आपल्या गाडीचं डिझेल महागलं नाही, पण खरा धोका तिथेच आहे. उद्योगांसाठी आणि मोठ्या ट्रान्सपोर्टसाठी वापरलं जाणारं बल्क डिझेल एका फटक्यात २२ रुपयांनी महागलं आहे. जेव्हा मालवाहतूक महागते, तेव्हा त्याचा थेट परिणाम भाजीपाला, दूध, अन्नधान्य आणि इतर जीवनावश्यक वस्तूंच्या किमतींवर होतो. म्हणजेच, ही दरवाढ फिरून पुन्हा सामान्य माणसाच्याच खिशाला कात्री लावणार आहे.

ज्यांच्याकडे नवीन मॉडेलच्या गाड्या आहेत आणि जे XP95 सारखं प्रीमियम पेट्रोल वापरतात, त्यांना आता प्रति लिटर २ रुपये जास्त मोजावे लागणार आहेत. आंतरराष्ट्रीय बाजारात कच्च्या तेलाच्या किमती ११० डॉलर्सच्या पार गेल्याचं कारण देत कंपन्यांनी हा बोजा ग्राहकांवर टाकायला सुरुवात केली आहे. ही दरवाढ 20 मार्चपासून सर्वत्र लागू करण्यात आली आहे. दिलासाच्या एकच गोष्ट म्हणजे तूर्तास नॉर्मल पेट्रोल डिझेलच्या दरात कोणतीही दरवाढ करण्यात आलेली नाही.

मे २०२२ पासून केंद्र सरकारने अबकारी करात कपात केल्यामुळे पेट्रोल-डिझेलचे दर मोठ्या प्रमाणावर स्थिर ठेवण्याचा प्रयत्न झाला आहे. मात्र, जागतिक बाजारपेठेत कच्च्या तेलाच्या किमतीत होणारा चढ-उतार आणि डॉलरच्या तुलनेत रुपयाची घसरण यामुळे तेल कंपन्यांवर दरांचा दबाव कायम असतो. सध्या मध्यपूर्वेतील तणावामुळे इंधनाचे दर पुन्हा भडकणार का, अशी चिंता सर्वसामान्यांना सतावते आहे.

आंतरराष्ट्रीय बाजारात कच्च्या तेलाचा बॅरल महागला की त्याचा परिणाम थेट आपल्या पंपावर होतो. इंधन डॉलरमध्ये विकत घेतलं जातं, त्यामुळे रुपया कमजोर झाला की इंधन महाग होतं. पेट्रोलच्या किमतीत केंद्र आणि राज्य सरकारचे विविध कर यांचा मोठा वाटा असतो.

जर तुम्हाला दररोजच्या किमती जाणून घ्यायच्या असतील, तर आता पेट्रोल पंपावर जाण्याची गरज नाही. तुम्ही तुमच्या मोबाईलवरून एक मेसेज करून दर पाहू शकता