Trending:

शेअर बाजारातील Exclusive अपडेट, कंपनी विकणार 16.46% हिस्सा; उद्या होणार 2,600 कोटींची उलथापालथ

Published by:Jaykrishna Nair

Last Updated:September 03, 2025 6:40 PM IST

Share Market Block Deal: Aptus Value Housing मध्ये मोठी उलथापालथ अपेक्षित आहे. कारण प्रायव्हेट इक्विटी गुंतवणूकदार Westbridge आपली संपूर्ण 16.46% हिस्सेदारी सुमारे 2,600 कोटी रुपयांना विकणार आहे. या ब्लॉक डीलमुळे अल्पकालीन दबावाची शक्यता असली तरी, नवीन गुंतवणूकदारांच्या आगमनाने दीर्घकाळासाठी स्थिरता येऊ शकते.

मुंबई: हाउसिंग फायनान्स कंपनी Aptus Value Housing मध्ये मोठी उलथापालथ घडणार आहे. प्रायव्हेट इक्विटी गुंतवणूकदार Westbridge आपली संपूर्ण 16.46% हिस्सेदारी कंपनीत विकण्याच्या तयारीत आहे. हा करार ब्लॉक डीलच्या माध्यमातून होणार असून, एकूण डीलचा आकार अंदाजे 2,600 कोटी रुपयांचा असेल. या ब्लॉक डीलसाठी फ्लोर प्राइस प्रति शेअर 316 निश्चित करण्यात आला आहे.

बाजार तज्ज्ञांचे म्हणणे आहे की- एवढ्या मोठ्या डीलमुळे अल्पावधीत शेअरवर दबाव येऊ शकतो. परंतु नवीन गुंतवणूकदारांच्या एन्ट्रीमुळे दीर्घकाळासाठी स्थिरता निर्माण होण्याची शक्यता आहे.

शेअरबाजारातील हालचाल

3 सप्टेंबर 2025 रोजी कंपनीचा शेअर 324 रुपयांच्या बंद भावाच्या तुलनेत 327.90 रुपयांवर उघडला. त्यानंतर शेअर 2% वाढून 332 रुपयांवर बंद झाला. शेअरने दिवसात 3% ते 8% पर्यंत वाढ दाखवली. गेल्या एका वर्षात कंपनीच्या शेअर्समध्ये 3% वाढ झाली आहे.

डीलची संपूर्ण माहिती

हिस्सेदारी विक्री : Westbridge आपली Aptus मधील संपूर्ण 16.46% हिस्सेदारी विकू शकते.

डीलचा आकार : एकूण सुमारे 2,600 कोटी रुपयांचा करार होऊ शकतो.

फ्लोर प्राइस : प्रति शेअर 316 निश्चित.

डीलचा परिणाम

ब्लॉक डीलमुळे सप्लाय वाढणार : मोठ्या प्रमाणावर शेअर्स बाजारात आल्यामुळे अल्पावधीत स्टॉकवर दबाव येऊ शकतो.

संस्थात्मक गुंतवणूकदारांची एन्ट्री : मोठे गुंतवणूकदार आल्यास मध्यमकालीन काळात शेअरला स्थैर्य मिळू शकते.

कंपनीचा बिझनेस मॉडेल : Aptus ग्रामीण व लहान शहरांमध्ये हाउसिंग लोनवर लक्ष केंद्रीत करते. या भागात अजूनही वाढीची मोठी क्षमता आहे.

हाउसिंग सेक्टरची मागणी : सरकारच्या विविध हाउसिंग योजना व ग्रामीण भागातील मागणी यामुळे कंपनीला पाठबळ मिळत आहे.

संभाव्य चढउतार : डीलदरम्यान व लगेचच नंतर वॉल्यूम आणि प्राइस या दोन्हींत तीव्र चढउतार होण्याची शक्यता आहे.

गुंतवणूकदारांसाठी महत्व

ही डील गुंतवणूकदारांसाठी अत्यंत महत्त्वाची आहे. कारण यामुळे स्टॉकचा शॉर्ट-टर्म ट्रेंड निश्चित होईल. तसेच Aptus मध्ये कोणते मोठे संस्थात्मक खेळाडू प्रवेश करतात, याकडे बाजाराचे लक्ष लागलेले असेल.

Disclaimer: वरील माहिती तज्ञांनी व्यक्त केलेले विचार आणि गुंतवणूक टिप्स त्यांचे स्वतःचे आहेत. वेबसाइट किंवा तिच्या व्यवस्थापनाचे नाहीत. शेअर बाजारातील गुंतवणूक ही बाजाराच्या जोखमीवर आधारित असते. त्यामुळे गुंतवणूक करण्याआधी सर्टिफाइड इन्व्हेस्टमेंट अ‍ॅडव्हायजरचा सल्ला घ्यावा. कोणत्याही आर्थिक नुकसानीसाठी News18 जबाबदार असणार नाही.