6 महिन्यात पैसा डबल करुन देणाऱ्या कंपनीने एका शेअरवर दिले 3 फ्री, तुम्ही घेतलाय की नाही?

मुंबई : बजाज स्टील इंडस्ट्रीज लिमिटेड ही बजाज ग्रुपमधील महत्त्वाची कंपनी आहे. महाराष्ट्रातील नागपूर जिल्ह्यात 1961 मध्ये स्थापन झालेली ही कंपनी बॉम्बे स्टॉक एक्सचेंजमध्ये लिस्टेड आहे. कंपनीचे नागपूर आणि आसपासच्या विविध प्लांटमध्ये जागतिक दर्जाचे इंजिनीअरिंग सेटअप आहेत. बजाज स्टील इंडस्ट्रीज लिमिटेड गेल्या एक वर्षापासून शेअर मार्केटमध्ये चांगली कामगिरी करत असून गुंतवणुकदारांना चांगला परतावा मिळाला आहे. आता या कंपनीने बोनस शेअर्स देण्याचं जाहीर केलं आहे. बोनस जारी करण्याची रेकॉर्ड डेटही कंपनीने जाहीर केली आहे. बोनस जारी करण्यासाठी 12 नोव्हेंबर ही रेकॉर्ड डेट निश्चित करण्यात आली आहे.