चांदीच्या दरवाढीचा फुगा फुटणार? 60 टक्क्यांपर्यंत दर खाली येणार, तज्ज्ञांच्या भविष्यवाणीनं मार्केटमध्ये खळबळ

अमित गोयल यांच्या मते, चांदीच्या किमतीत सध्या जी वाढ दिसतेय, त्याचा वास्तवाशी फारसा संबंध राहिलेला नाही. सामान्यतः सोन्या-चांदीचे भाव डॉलरच्या हालचालीवर चालतात, पण आता चांदी कोणत्याही नियमात बसत नाहीये. ही परिस्थिती २००० सालच्या 'डॉट कॉम' संकटासारखी किंवा २००८ मधल्या कच्च्या तेलाच्या अवास्तव दरवाढीसारखीच आहे. सर्वात महत्त्वाची गोष्ट म्हणजे, लोक चांदीत गुंतवणूक करत आहेत म्हणून भाव वाढत नाहीयेत, तर केवळ सट्टेबाजीमुळे हे घडत आहे. चीनने चांदीच्या निर्यातीवर बंदी घातली, या साध्या बातमीला १० पटीने वाढवून सांगण्यात आलं आणि त्यातून हा बबल तयार झाला आहे.

गोयल यांचा अंदाज खरा ठरला तर गुंतवणूकदारांना मोठे धक्के बसू शकतात. फेब्रुवारीपर्यंत चांदीचा भाव १०० डॉलरपर्यंत जाऊ शकतो, पण तोच टॉप असेल. एकदा का हा शिखर गाठला, की तिथून किमती ५० ते ६० टक्क्यांनी घसरतील. समजा, २.५४ लाख हा चांदीचा उच्चांक धरला, तर तिथून ६०% घसरण म्हणजे चांदीचा भाव १.५२ लाखांपर्यंत खाली येऊ शकतो. ही पडझड एका झटक्यात होणार नाही, तर पुढच्या एक ते दीड वर्षात हळूहळू होईल.