बँकेतील नोकरी सोडली, घरच्या घरी सुरू केला व्यवसाय, महिलेची महिन्याला 5 लाखांची उलाढाल

पल्लवी धनराज वाले सोलापूरमध्ये राहतात. पल्लवी वाले या एका बँकेत कामाला होत्या. मुलांकडे दुर्लक्ष होत असल्यामुळे त्यांनी बँकेतील नोकरी सोडली आणि घरच्या घरी व्यवसाय करायचा त्यांनी निश्चित केला. गेल्या 4 ते 5 वर्षांपासून गूळ चहा पावडर प्रिमिक्स बनवत आहेत. तसेच गुळाच्या चहामध्ये पाच वेगवेगळ्या प्रकारचे फ्लेवरही त्यांनी तयार केले आहेत. रेगुलर चहा पावडर, मसाला चहा पावडर, इलायची चहा पावडर तसेच गुळाची कॉफी पावडर सुद्धा त्यांनी तयार केले आहेत. लोकांना आता बदलत्या जीवनशैलीत आरोग्यदायी गोष्टी सध्या हव्या आहेत. याचा विचार करून पल्लवी वाले यांनी आरोग्यदायी प्रिमिक्स बनवले आहेत.

प्रत्येकाच्या घरात चहापत्ती लागतेच या उद्देशाने त्यांनी हा व्यवसाय करायचा निवडला. चहामध्ये लोकांना वैशिष्ट्यपूर्ण काय देता येईल हे लक्षात घेऊन त्यांनी सुरुवातीला गवती चहा, काढा चहा, तुळस चहा, आयुर्वेदिक चहा असे सुरुवातीला पाच ते सहा फ्लेवरपासून त्यांनी सुरुवात केली. परंतु मार्केटमध्ये साखर पासून तयार होणारे पदार्थ लोक खाणे किंवा पिणे टाळत आहेत. याचा विचार करून त्यांनी गुळाचा चहा पावडर प्रिमिक्स बनवायला सुरुवात केली. आज जवळपास ते चहा फ्लेवरमध्ये पाच ते सहा फ्लेवर बनवले आहेत. तसेच त्यांनी गुळाचे बिस्किट, कढीपत्ता पावडर, बीड पावडर, शेवगा पावडर, नाचणीचे बिस्किटे, कडक भाकरी, शेंगा चटणी, इंस्टंट पुरणपोळी प्रिमिक्स पल्लवी वाले यांनी बनवले आहेत.

घर चालवत पल्लवी वाले या आज एक यशस्वी महिला उद्योजिका बनल्या असून महिन्याला 700 ते 800 किलो गुळाचा चहा पावडर विक्री होत आहेत. तर या व्यवसायातून महिन्याला 5 लाख रुपयांची उलाढाल त्या करत आहेत. आजूबाजू राहणारे नागरिक, आपले नातेवाईक किती प्रोत्साहन देतात किंवा काय विचार करतात हे लक्षात न घेता आपण जे व्यवसाय करायचा तो निश्चित केला की मनापासून व्यवसाय केल्यास नक्कीच यश मिळेल, असा सल्ला महिला उद्योजिका पल्लवी वाले यांनी दिला आहे.