"बाबा वाचवा..." म्हणण्याची संधी मिळाली नाही; बापाच्या समोरच नियतीने हिरावला जीव, चिमुरड्यांच्या मृत्यूने सुन्न झाला आसमंत

बेंगळुरू: उत्तर बेंगळुरूतील थानिसंद्रा परिसरात बुधवारी सकाळी शाळेच्या बसने एका दुचाकीला धडक दिली. या भीषण अपघात दोन लहान मुलांचा दुर्दैवी मृत्यू झाला आहे, अशी माहिती पोलिसांनी दिली. या घटनेत मृत्यू पावलेल्या मुलांची ओळख वर्षा (वय 2) आणि भानू (वय 4) अशी करण्यात आली आहे. वर्षा ही शहरातील एका पोलीस कॉन्स्टेबलची मुलगी तर भानू ही त्यांची पुतणी होती. सकाळी सुमारे 8 वाजण्याच्या सुमारास, हेन्नूर ट्रॅफिक पोलीस ठाण्याच्या हद्दीत असलेल्या पोलीस क्वार्टर्सजवळ हा अपघात घडला.