10,00,00,00,00,000चा हाहाकार; सेन्सेक्स 1600 अंकांनी कोसळला, निफ्टीचाही थरकाप, गुंतवणूकदारांना रडवले

Published by:Jaykrishna Nair

Last Updated:Mar 30, 2026 5:41 PM IST

Stock Market: शेअर बाजारात आज मोठी घसरण पाहायला मिळाली. सेन्सेक्स 1,600 हून अधिक अंकांनी कोसळला तर निफ्टी 22,400 च्या खाली घसरला.

इम्पॅक्ट शॉटतुमचा गेटवे लेटेस्ट न्यूज

Translate

+ Follow usOn Google

मुंबई: सोमवारी बाजार उघडताना अपेक्षा होती की मागील घसरणीनंतर आज थोडी सावरून वाढ होईल. मात्र वेळ जसजसा पुढे गेला तसतसे स्क्रीनवर लाल रंग वाढत गेला. संपूर्ण बाजारावर एकाच वेळी दबाव आल्याचे चित्र दिसत होते. दिवस चढत असताना परिस्थिती आणखी बिघडली.

BSE Sensex अचानक घसरला आणि सुमारे 1,636 अंकांच्या घसरणीसह 71,948 वर बंद झाला. तर Nifty 50 देखील 488 अंकांनी कोसळून 22,331 च्या खाली गेला. 22,400 चा स्तर तुटणे हे बाजारासाठी मोठा धक्का मानला जात आहे.

बँकिंग शेअर्सची मोठी घसरण

या घसरणीत बँकिंग शेअर्स मुख्य भूमिका बजावत होते, पण नकारात्मक पद्धतीने. एचडीएफसी बँक, आईसीआईसीआई बँक, स्टेट बँक ऑफ इंडिया और एक्सिस बँक यांसारख्या मोठ्या शेअर्समध्ये 5% पर्यंत घसरण झाली. यामागील मुख्य कारण म्हणजे RBIने आणलेल्या कडक फॉरेक्स नियमांमुळे बाजारातील भावना अधिकच खराब झाली.

कच्च्या तेलाचा परिणाम

बाजाराबाहेरही परिस्थिती स्थिर नव्हती. Brent Crude Oil ची किंमत पुन्हा $115 प्रति बॅरलच्या वर गेली. याचा थेट परिणाम तेल कंपन्यांवर झाला. हिंदुस्तान पेट्रोलियम कॉर्पोरेशन लिमिटेड सारखे शेअर्स दबावाखाली आले.

रुपयाची ऐतिहासिक घसरण

दरम्यान आणखी एक मोठा धक्का म्हणजे रुपयाची घसरण. Indian Rupee प्रथमच डॉलरच्या तुलनेत 95 च्या पुढे गेला आणि 95.22/$ हा विक्रमी नीचांक गाठला. हे केवळ आकडे नव्हते, तर बाजारातील कमकुवतपणाचा मोठा संकेत होता.

मिडकॅप इंडेक्सही 1,448 अंकांनी घसरून 52,650 वर आला ज्यामुळे लहान आणि मध्यम कंपन्यांमध्ये अधिक नुकसान झाले असल्याचे दिसून आले.

काही सेक्टर्समध्ये वाढ

या नकारात्मक वातावरणातही काही सेक्टर्सनी सकारात्मक कामगिरी केली.

साखर (Sugar) शेअर्समध्ये 11% पर्यंत वाढ झाली. कारण कच्च्या तेलाच्या किंमती वाढल्याने त्यांना फायदा झाला. अॅल्युमिनियम कंपन्यांमध्येही तेजी दिसली. National Aluminium Company सुमारे 4% वाढला. हे विशेषतः इराणकडून बहरीनमधील सुविधांवर झालेल्या हल्ल्यांच्या बातम्यांनंतर घडले. मात्र बहुतांश शेअर्समध्ये घसरणच दिसली:

Jubilant FoodWorks LPG तुटवड्यामुळे 4% पेक्षा जास्त घसरला. Aarti Pharmalabs वर US FDA च्या निरीक्षणांचा परिणाम झाला आणि शेअर 3% घसरला.

गुंतवणूकदारांचे मोठे नुकसान

दिवसाच्या शेवटी BSE मध्ये सूचीबद्ध कंपन्यांचे एकूण मार्केट कॅप सुमारे 10 लाख कोटी रुपयांनी घटले. हा केवळ आकडा नसून गुंतवणूकदारांच्या संपत्तीतील मोठा तोटा आहे.

शेअर बाजार घसरण्याची 5 मोठी कारणे

1) रुपयातील घसरण

रुपया सुरुवातीला 1.22 रुपयांनी मजबूत उघडला, पण नंतर 52 पैशांनी घसरून 94/$ च्या पुढे गेला. शेवटी 94.83/$ वर बंद झाला.

2) कच्च्या तेलाच्या किंमती वाढ

ब्रेंट क्रूड सुमारे $116 प्रति बॅरलपर्यंत पोहोचले ज्यामुळे महागाई वाढण्याची भीती निर्माण झाली.

3) अमेरिका-इराण तणाव

मिडल ईस्टमध्ये वाढत्या तणावामुळे जागतिक बाजारांवर दबाव आला.

4) RBI ची कडक भूमिका

RBI ने बँकांच्या फॉरेक्स पोझिशनवर मर्यादा आणल्या ज्यामुळे बँकिंग शेअर्स कोसळले.

5) विदेशी गुंतवणूकदारांची विक्री

FIIs सतत भारतीय बाजारातून पैसा काढत आहेत ज्यामुळे बाजारावर दबाव कायम आहे.

view comments