Gold Silver Price: तुमच्या घरातील लग्नाचं बजेट 'ट्रम्प' ठरवणार! अमेरिकेतल्या उलथापालथीने भारतीयांना मनस्ताप, पडद्यामागे घडलं काय?

Gold Silver Rate: सध्या लग्नसराईचा हंगाम सुरू आहे. लग्न सोहळ्याचे नियोजन करताना बजेटवर विशेष लक्ष दिलं जातं. मागील काही दिवसांपासून सोनं-चांदीच्या दरात चढ-उतार सुरू आहे. त्याचा परिणाम सामान्य ग्राहकांवर होत आहे. अमेरिकेचे राष्ट्राध्यक्ष डोनाल्ड ट्रम्प यांच्या एका निर्णयाने भारतीयांच्या लग्नाचं बजेट बिघडत असल्याचे संकेत दिसू लागले आहेत. सोने आणि चांदीच्या वाढलेल्या किमतींमुळे सर्वसामान्यांना मोठा फटका बसला आहे. आज, २२ फेब्रुवारी २०२६ रोजी सोने आणि चांदीच्या किमती वाढताना दिसत आहेत. अमेरिकेचे अध्यक्ष डोनाल्ड ट्रम्प यांच्या नवीन जागतिक कर आणि जागतिक अनिश्चिततेमुळे किमती वाढत आहेत. यामुळे लग्नासाठी सोने खरेदी करणाऱ्यांचा खर्च लक्षणीयरीत्या वाढू शकतो.