Bullet Train: मुंबई ते अहमदाबाद अवघ्या दोन तासांत, काय म्हणाले रेल्वे मंत्री

मुंबई: देशाची आर्थिक राजधानी असलेली मुंबई आणि गुजरातमधील अहमदाबाद या दोन्ही शहरांमधील प्रवासाचा कालावधी कमी करण्यासाठी सरकारने एक महत्वकांक्षी प्रकल्प हाती घेतलेलेा आहे. दोन्ही शहरांदरम्यान लवकरच बुलेट ट्रेन धावणार आहे. सध्या प्रकल्पाचे अतिशय वेगात काम सुरू आहे. देशातील पहिली बुलेट ट्रेन सेवा लवकरच सुरू होणार असून मुंबई ते अहमदाबाद दरम्यानचे 508 किलोमीटर अंतर अवघे दोन तास सात मिनिटांत पार होईल, अशी माहिती केंद्रीय रेल्वेमंत्री अश्विनी वैष्णव यांनी दिली. गुजरातमधील भावनगर येथे झालेल्या कार्यक्रमात बोलताना अश्विनी वैष्णव यांनी याबाबत माहिती दिली.