BMC Elections : मुंबईमधले ते 14 बंडखोर कुणाचा खेळ बिघडवणार? भाजप-ठाकरेंची फायनल लिस्ट समोर!

मुंबईमध्ये आधी भाजपचे 20 बंडखोर उभे होते, पण मुख्यमंत्री देवेंद्र फडणवीसांच्या शिष्टाईला यश आलं आणि 14 बंडखोरांनी त्यांचे अर्ज मागे घेतले, पण 6 बंडखोर निवडणुकीच्या रिंगणात कायम राहिले आहेत. तर संभाजीनगरमध्ये भाजपच्या तब्बल 69 बंडखोरांनी अर्ज दाखल केला होता, यातल्या 54 जणांनी अर्ज मागे घेतल्यामुळे आता 15 बंडखोर रिंगणात आहेत. नागपूरमध्ये 15 पैकी 6 जणांनी अर्ज मागे घेतले असून 9 बंडखोर निवडणूक लढण्यावर ठाम राहिले. दरम्यान मुंबईमध्ये शिवसेना उद्धव बाळासाहेब ठाकरे पक्षाचे 7 बंडखोर उमेदवार कायम आहेत.

महाराष्ट्रातल्या 29 महानगरपालिकांच्या निवडणुकांसाठी अर्ज मागे घेण्याची मुदत संपली आहे, त्याआधीच भाजपचे 44 आणि शिवसेनेचे 19 उमेदवार बिनविरोध निवडून आले आहेत. राज्यातल्या सगळ्या महापालिका निवडणुकांसाठीच्या प्रचाराला आता शनिवारपासून सुरूवात होणार आहे. 15 जानेवारीला या निवडणुकांचं मतदान पार पडेल तर 16 जानेवारीला निकाल लागतील.