BMC Elections: कुणाची डब्बल तर कुणाची 9 पट वाढली संपत्ती, मुंबईतील टॉप 12 श्रीमंत उमेदवार!

मुंबई: मुंबई महापालिका निवडणुकीसाठी जोरदार प्रचार सुरू आहे. महायुती आणि ठाकरे बंधूंमध्ये थेट लढत होत आहे. दोन्ही बाजूने आप आपले उमेदवार मैदानात असून प्रचाराला चांगलाच रंग आहे. पण, देशाची आर्थिक राजधानी असलेल्या मुंबईत, जी आर्थिक दृष्ट्या एखाद्या राज्याचे बजेट असेल इतकी मोठी महापालिका आहे. त्या पालिकेची निवडणूक लढवणारे उमेदवार हे काही साधेसुधे नाही तर चांगले कोट्याधीश आहे. मुंबईतील माजी नगरसेवक तर चांगलेच गडगंज आहे. तर आताच आयात झालेल्या उमेदवारांची संपत्तीही डोळे पांढरी करणारी आहे.