Mumbai News : हिट अँड रन प्रकरणात शिवसेना नेत्यावर पक्षाची कारवाई; मुख्यमंत्री स्पष्टच बोलले

मुंबई : वरळी हिट अँड रन प्रकरणात शिवसेना शिंदे गटाने मोठं पाऊल उचललं आहे. आरोपी मिहीर शाह याच्या वडिलांवर शिंदे गटाने कारवाई केली. मिहीर शाहचे वडील राजेश शाह हे शिवसेना उपनेते होते. हिट अँड रन प्रकरणावरून आरोप झाल्यानंतर राजेश शाह यांना कार्यमुक्त करण्यात आले आहे. शिवसेना मुख्यनेते आणि मुख्यमंत्री एकनाथ शिंदे यांच्या आदेशानुसार ही कारवाई करण्यात आली. सोमवारी वरळीत दुचाकीवरून जाणाऱ्या दाम्पत्याला मिहीर शाह याच्या बीएमडब्ल्यू कारने उडवलं होतं. त्यानंतर महिलेला दोन किलोमीटरपर्यंत फरफटत नेलं होतं. यात महिलेचा मृत्यू झाला होता. या कारवाईनंतर मुख्यमंत्री एकनाथ शिंदे यांनी प्रतिक्रिया दिली आहे.