Railway Police: CSMT रेल्वे पोलिसाचा प्रामाणिकपणा! तब्बल 30,00,000 रुपये किमतीचा चेक केला परत!

मुंबई: पोलीस प्रशासन जनतेच्या सुरक्षेसाठी नेहमीच तत्पर असतं. काही वेळा पोलिसांकडून होणाऱ्या गैरप्रकारांची देखील चर्चा होते. परंतु, मुंबईतील छत्रपती शिवाजी महाराज टर्मिनस (सीएसएमटी) येथील रेल्वे पोलिसांनी प्रामाणिकपणाचा अनोखा आदर्श निर्माण केला आहे. 9 जुलै रोजी कर्तव्यावर असताना सापडलेला तब्बल 30 लाख रुपये किमतीचा सही केलेला चेक आणि पासबुक प्रामाणिकपणे परत केलं आहे. त्यामुळे रमेश टाकळकर यांच्यावर कौतुकाचा वर्षाव होत आहे.