Ganeshotsav 2025: पुण्यात गणेशोत्सवात ढोल-ताशा पथकांवर कारवाई होणार? पोलिसांनी दिली महत्त्वाची माहिती

पुणे: महाराष्ट्रात सण, समारंभ आणि उत्सवांत पारंपरिक वाद्ये वाजवली जातात. ढोल-ताशा तर गणेशोत्सवाचा महत्त्वाचा भाग झाला आहे. पुण्यात अनेक ढोल-ताशा पथके आहेत. या ढोल-ताशांसारख्या पारंपरिक वाद्यांवर कोणत्याही प्रकारचे खटले नाहीत. तसे असतील तर ते नक्कीच थांबवू आणि यंदा पारंपरिक वाद्यांवर खटले दाखल होणार नाहीत, असे आश्वासन पोलिस सहआयुक्त रंजनकुमार शर्मा यांनी ढोल-ताशा महासंघाला दिले आहे. तसेच गतरर्षी लेझर लाइट बंद करण्यात यश मिळाले असून यंदा डीजे बंद करण्याचे प्रयत्न असल्याचं त्यांनी स्पष्ट केलं.