Fact Check: गुडघ्यावर चालत होता, कुत्र्यासारखा अंगावर धावून यायचा, साताऱ्यातील VIDEO तल्या तरुणाचं सत्य समोर

सातारा : राज्यात सध्या बिबट्या आणि भटक्या कुत्र्यांनी उच्छाद मांडला आहे. मानवी वस्तीमध्ये बिबट्याचे हल्ले वारंवार घडत आहे. तर दुसरीकडे शहरी भागात भटक्या कुत्र्यांचे हल्लेही वाढत आहे. अशातच सोशल मीडियावर एक व्हिडीओ व्हायरल झालाय. या व्हिडीओमध्ये एक तरुण हा एखाद्या प्राण्यासारखा रस्त्यावर गुडघ्यावर चालत आहे, त्याला कुत्र्याने चावा घेतल्यामुळे रेबिज झाला असावा, असं सांगितलं जात होतं. पण, या व्हिडीओतील तरूण हा मनोरुग्ण असल्याचं उघड झालं आहे. हा व्हिडीओ साताऱ्यातील आहे.

मिळालेल्या माहितीनुसार,  साताऱ्यातील अंगापूर फाट्यानजीक एक तरुण रस्त्यावर धुडगूस घालत होता. रस्त्यावर येणाऱ्या जाणाऱ्या लोकांच्या अंगावर धावून येत होता. त्यामुळे गावात बातमी वाऱ्यासारखी पसरली. लोकांनी धाव घेतली. लोकांनी अक्षरश: त्याच्यावर जाळी टाकून त्याला पकडलं. रेबिजग्रस्त झाल्यामुळे हा तरुण असं वागत असल्याचं सांगितलं जात होतं. पण, या तरुणाची माहिती आता समोर आली आहे.