मुंबईतील वाहतूक कोंडीवर पॉड टॅक्सीचा उपाय, ही Pod Taxi आहे तरी काय?

मुंबईतील पॉड टॅक्सीच्या प्रस्तावास गती देण्यासाठी परिवहन मंत्री प्रताप सरनाईक यांनी गुजरातमधील बडोदा शहराला भेट दिली. पंतप्रधान नरेंद्र मोदी आणि केंद्रीय भूपृष्ण वाहतूक मंत्री नितीन गडकरी यांच्या संकल्पनेतून बडोद्यामध्ये पॉड टॅक्सी वे बांधण्याचे काम प्रगतीपथावर आहे. सध्या 80 टक्के काम पूर्ण झाले अशून एप्रिलमध्ये ही सेवा सुरू होण्याची शक्यता आहे.

युरोपमध्ये प्रवासासाठी पॉड टॅक्सी आणि केबल टॅक्सी सेवा मोठ्या प्रमाणात वापरली जाते. या दोन्ही प्रकारच्या टॅक्सी या चालकरहित असतात. पॉड टॅक्सी ही इलेक्ट्रिक कार सारखी असते. या सेवेला ‘पर्सनल रॅपिड ट्रान्झिट’ असं देखील म्हटलं जातं. या टॅक्सीत साधारण 8 प्रवासी बसून प्रवास करू शकतात आणि 13 प्रवासी उभा राहून प्रवास करू शकतात. पॉड टॅक्सी जमिनीपासून 5 ते 10 मीटर उंचीवरून धावते. पॉड टॅक्सी ही जगातील प्रगत आणि पर्यावरणपुरक वाहतूक सेवा आहे. त्यामुळे जगभरातील अनेक देश जलद व सुखकर प्रवासासाठी पॉड टॅक्सीला पसंती देत आहेत.