Mumbai : खायला लाजायचं नाही! मुंबईकर 15 दिवस फुकटात जेवण, 125 कोटींच्या ऑर्डर, कारण...

केटरर्सना 15 दिवसांसाठी बक्कळ कमाईची संधी

सकाळी नाश्ता निवडणूक मध्यवर्ती कार्यालयात दिला जातो. त्यानंतर कार्यकर्ते प्रचारासाठी मैदानात जातात. दुपारी प्रचार संपल्यावर दुपारचे जेवणही केंद्र कार्यालयात उपलब्ध करून दिले जाते. प्रचाराच्या ठिकाणी सायंकाळी चहा आणि बिस्किटही दिले जातात तर रात्री प्रचार संपल्यावर संपूर्ण जेवण दिले जाते.

साधारण 100 ते 150 कार्यकर्ते सकाळपासून रात्रीपर्यंत कामात व्यस्त असतात. याशिवाय मोठ्या सभांमध्ये उपस्थित असलेल्या कार्यकर्ते आणि लोकसंख्येसाठी अतिरिक्त जेवणाची व्यवस्था केली जाते. आधी वडापाव मग नाश्त्याने काम चालत असले आता कार्यकर्त्यांना व्हेज आणि नॉनव्हेज दोन्ही प्रकारचे जेवण तसेच बंद बाटलीतील पाणी देणे अनिवार्य झाले आहे.

उमेदवार प्रचार मोहिमेसाठी केटर्सची नेमणूक करीत आहेत आणि हा व्यवसाय निवडणुकीच्या काळात केटर्ससाठी फायदेशीर ठरतो.