नवी मुंबईत तरुणाचा 12 जणींवर अत्याचार, उच्चभ्रू तरुणींना करायचा टार्गेट, कसा भुलवायचा?

नाशिक येथील भोंदूबाबा अशोक खरातचं अत्याचार प्रकरण सध्या महाराष्ट्रभर गाजत आहे. त्याचे विविध कारनामे समोर येत आहेत. पीडित महिलांचा आकडा वाढतच चालला आहे. अशोक खरातचं प्रकरण ताजं असताना आता नवी मुंबईत देखील महिलांच्या शोषणाचा असाच एक गंभीर प्रकार उघडकीस आला आहे. इथं एका तरुणाने ११ ते १२ तरुणींवर लैंगिक अत्याचार केला आहे. त्याने स्वतःला इस्रोचा शास्त्रज्ञ असल्याचं सांगून डॉक्टर, इंजिनीअर आणि बँक अधिकारी अशा उच्चभ्रू महिलांना जाळ्यात ओढून त्यांच्यावर अत्याचार केला आहे. आरोपी एवढ्यावरच थांबला नाही, तर त्याने त्यांची आर्थिक लूट देखील केली आहे.