Crime in Mumbai: फॉरेक्स मार्केटमध्ये गुंतवणूक, साडेपाच कोटींची फसवणूक, पनवेलमध्ये अनघा पाटील यांनी जीवन संपवलं

पनवेल: फॉरेक्स मार्केटमध्ये गुंतवणुकीचे आमिष दाखवून एका व्यक्तीने पनवेलमधील अनघा पाटील (३६) या महिलेची आणि त्यांच्या कुटुंबीयांची तब्बल ५.३० कोटी रुपयांची फसवणूक केल्याची घटना समोर आली आहे. या फसवणुकीमुळे आलेल्या नैराश्यातून अनघा पाटील यांनी आत्महत्या केली. पनवेल शहर पोलिसांनी या प्रकरणी गुजरातच्या रवी हरेशभाई भडका नावाच्या आरोपीविरोधात आत्महत्येस प्रवृत्त केल्याचा गुन्हा दाखल केला आहे. पोलीस आरोपीचा शोध घेत आहेत.