गणेशभक्तांसाठी Good News! पश्चिम रेल्वेची मोठी घोषणा, कोकणात विशेष गाड्या, वाचा वेळापत्रक
- Published by:Shankar Pawar
- local18
Last Updated:
Ganeshotsav 2025: कोकणच्या गणेशभक्तांसाठी पश्चिम रेल्वेची खास भेट आहे. यंदा मुंबईतून कोकणात जाण्यासाठी विशेष गाड्या चालवण्यात येणार आहेत.
मुंबई: गणेशोत्सवासाठी मुंबई, ठाणे परिसरातून कोकणात जाणाऱ्या चाकरमान्यांची संख्या मोठी असते. त्यामुळे या काळात रेल्वेला प्रवाशांची मोठी गर्दी असते. नियमित गाड्यांचे बुकिंग आधीच फूल्ल झाले असून पश्चिम रेल्वेने गणेशभक्तांसाठी मोठा निर्णय घेतला आहे. आता पश्चिम रेल्वेकडून गणेशोत्सवाच्या पार्श्वभूमीवर कोकण विशेष गाड्या चालवण्यात येणार आहेत. नुकतेच पश्चिम रेल्वेने याबाबत वेळापत्रक जाहीर केले आहे.
गणेशोत्सव विशेष गाड्यांचे वेळापत्रक
गणेशोत्सवासाठी पश्चिम रेल्वेकडून 3 मार्गांवर जादा फेऱ्या चालवण्याचा निर्णय घेतला आहे. यामध्ये बांद्रा टर्मिनस ते रत्नागिरी, मुंबई सेंट्रल ते सावंतवाडी, मुंबई सेंट्रल ते ठोकूर या गाड्यांचा समावेश असणार आहे.
advertisement
मुंबई सेंट्रल त ठोकूर विशेष रेल्वे
मुंबई सेंट्रल त ठोकूर (गाडी क्र. 09011) ही गाडी दर मंगळवारी धावणार आहे. 26 ऑगस्ट ते 2 सप्टेंबर दरम्यान ही विशेष गाडी सुरू राहील. सकाळी 11.30 वाजता मुंबई सेंट्रल येथून सुटून ती दुसऱ्या दिवशी सकाळी 8.50 वाजता ठोकूर येथे पोहोचेल. तर गुरुवारी सकाळी 11 वाजता ठोकूर येथून सुटून दुसऱ्या दिवशी सकाळी 7.15 वाजता मुंबईत पोहोचेल.
advertisement
थांबे: बोरिवली, वसई रोड, भिवंडी रोड, पनवेल पेन, रोहा, मानगाव, वीर, खेड, चिपळून, संगमेश्वर, रत्नागिरी, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिविम, करमली, मडगाव, कारवार, गोकर्ण रोड, कुमटा, मुरडेश्वर, मुकांबिका रोड बिंदूर, कुंडपुरा, उडपी, मुल्की णि सुरथकल स्टेशन येथे थांबे असणार आहेत.
मुंबई सेंट्रल ते सावंतवाडी ही गाडी आठवड्यातून 4 दिवस बुधवार, शुक्रवार, शनिवार आणि रविवारी धावणार आहे. तर बांद्रा टर्मिनस ते रत्नागिरी ही साप्ताहिक विशेष गाडी दर गुरुवारी धावणार आहे. 21 ऑगस्टपासून ही विशेष रेल्वे सुरू होणार आहे.
advertisement
दरम्यान, वरील गाड्यांचे आरक्षण 23 जुलै 2025 पासून आरक्षण केंद्रांवर व IRCTC वेबसाइटवर सुरू होईल. त्यामुळे यंदाच्या गणेशोत्सवाच्या प्रवासाचं नियोजन या विशेष गाड्यांच्या माध्यमातून करता येणार आहे.
Location :
Mumbai,Maharashtra
First Published :
Jul 21, 2025 2:09 PM IST
मराठी बातम्या/मुंबई/
गणेशभक्तांसाठी Good News! पश्चिम रेल्वेची मोठी घोषणा, कोकणात विशेष गाड्या, वाचा वेळापत्रक
