Mumbai AC Local : लोकल प्रवाशांसाठी खुशखबर! लवकरच मुंबईकरांच्या सेवेत दाखल होणार तब्बल 238 अत्याधुनिक वातानुकूलित गाड्या

AC Local Trains : मुंबई लोकल हा मुंबईकरांच्या दैनंदिन जीवनाचा एक महत्त्वाचा भाग बनली आहे. दररोज लाखो प्रवासी या लोकलच्या मदतीने प्रवास करतात. वाढती लोकसंख्या आणि सतत वाढणारी प्रवाशांची संख्या लक्षात घेता आता लोकल ट्रेनमध्ये आधुनिक सुविधा उपलब्ध करून देण्यासाठी रेल्वे प्रशासनाकडून मोठा निर्णय घेण्यात आला आहे. मुंबई रेल्वे विकास महामंडळाने यासाठी तयारी पूर्ण केली असून येत्या आठवड्यात तब्बल 238 एसी लोकल खरेदीसाठी निविदा काढण्यात येणार आहे.या प्रकल्पासाठी एमयूटीपी-3 आणि एमयूटीपी-3ए अंतर्गत सुमारे 19 हजार 293 कोटी रुपयांचा खर्च अपेक्षित आहे.