पती बाहेर जाताच टोकाचं पाऊल, मुंबईच्या सांताक्रूझमध्ये विवाहितेनं संपवलं जीवन

मुंबईतील सांताक्रुझ पश्चिम परिसरात एक धक्कादायक घटना उघडकीस आली आहे. इथं एका ३५ वर्षीय विवाहित महिलेनं राहत्या घरात आयुष्य संपवलं आहे. घटनेच्या वेळी पती कामानिमित्त घराबाहेर गेला होता. त्यावेळी महिला घरी एकटीच होती. याच वेळी त्यांनी स्कार्फने गळफास घेऊन आयुष्याचा शेवट केला आहे. या प्रकरणी मृत महिलेच्या आईनं दिलेल्या तक्रारीवरून सांताक्रुझ पोलिसांनी गुन्हा दाखल करत पतीला अटक केली आहे.