Mumbai Crime : पार्ट टाईम जॉब शोधताय? मुंबईतल्या गृहीणीसोबत भयंकर घडलं, कुटूंब हादरलं

मिरा रोडच्या पूनम गार्डन भागात राहणाऱ्या नितु परूळेकर (वय 45) यांच्याशी अनुष्का रेड्डी नावाच्या महिलेने संपर्क साधला. तिने घरातून पार्ट टाईम काम करून अतिरिक्त उत्पन्न मिळवता येईल असे सांगत टेलिग्राम अ‍ॅप डाउनलोड करण्यास सांगितले. त्यानंतर टेलिग्रामवर श्रीया मल्होत्रा आणि अंकित शर्मा या व्यक्तींनी संपर्क साधत एका कथित क्रिप्टो गुंतवणूक अ‍ॅपमध्ये पैसे गुंतवण्यास प्रवृत्त केले.

गुंतवणूक केल्यास कमी कालावधीत मोठा नफा मिळेल असे आकर्षक आमिष दाखवण्यात आले. त्यांच्या सांगण्यावर विश्वास ठेवून महिलेनं वेळोवेळी विविध टप्प्यांत एकूण 6,93,515 रुपये गुंतवले. मात्र नफा मिळणे दूरच राहिले उलट गुंतवलेली मूळ रक्कमही परत मिळत नसल्याचे लक्षात आल्यानंतर आपली फसवणूक झाल्याची जाणीव परूळेकर यांना झाली.