मुंबईतल्या कंपनीत 1,33,00,000 रुपयांची चोरी, CCTV पाहिली अन् सगळेच हादरले, काय घडलं?

या प्रकरणी कंपनीचे सहसंस्थापक सागर दुबे (वय 27) यांनी दादर पोलिस ठाण्यात तक्रार दाखल केली होती. 2018 साली सुरू झालेली ही ई-कॉमर्स कंपनी मोबाईल फोन आणि इलेक्ट्रॉनिक वस्तूंच्या ऑनलाइन तसेच ऑफलाइन विक्रीत कार्यरत आहे. कंपनीच्या कार्यालयात विक्रीतून जमा होणारी रोख रक्कम तात्पुरती ठेवण्याची पद्धत होती. 16 डिसेंबरपासून जमा झालेले सुमारे 1.33 कोटी रुपये कार्यालयातील कपाटात ठेवण्यात आले होते. निवडणूक काळात आचारसंहितेमुळे बँकेत पैसे भरण्यात अडचणी आल्याने ही रक्कम कार्यालयातच ठेवण्यात आली. मात्र शनिवारी सकाळी कार्यालय उघडताच कपाटातील संपूर्ण रोकड चोरीला गेल्याचे उघड झाले.