Mumbai Water: मुंबईकरांसाठी खूशखबर! धरणे तुडुंब, ऑगस्ट 2026 पर्यंत पाण्यासाठी नो टेन्शन!

मुंबई: मुंबईकरांसाठी दिलासादायक बातमी आहे. यंदा सुरुवातीला पावसाने ओढ दिल्याने काही काळ पाणीटंचाईची भीती व्यक्त करण्यात येत होती. आता मात्र सगळ्या चिंता दूर झाल्या आहेत. मुंबईला पाणीपुरवठा करणारे सर्व प्रमुख तलाव तानसा, मोडक सागर, मध्य वैतरणा, भातसा, अप्पर वैतरणा, तसेच तुळशी आणि विहार हे सप्टेंबर अखेरीस जवळपास काठोकाठ भरलेले आहेत. सध्या या सर्व तलावांमध्ये एकूण 14 लाख 40 हजार 220 दशलक्ष लिटर इतका पाणीसाठा उपलब्ध आहे. त्यामुळे आता थेट ऑगस्ट 2026 पर्यंत पाण्याची चिंता मिटली आहे, असे महापालिकेच्या एका वरिष्ठ अभियंत्याने सांगितले.