Mumbai Local: मुंबईकरांचा रांगेतला वेळ वाचणार, आता थेट व्हॉट्सॲपवरच लोकलचं तिकीट!

मुंबई: मुंबईची लोकलसेवा ही मुंबईकरांची जीवनवाहिनी मानली जाते. मुंबईकरांचा प्रवास अधिक सोयीस्कर आणि आरामदायी व्हावा, असा रेल्वे प्रशासनाचा नेहमीच प्रयत्न असतो. आता लोकलची तिकीट प्रणाली देखील सोपी करण्याचे प्रयत्न रेल्वेकडून सुरू आहेत. त्यासाठी व्हॉट्सॲप सारख्या ॲपद्वारे तिकीट काढण्याची प्रणाली विकसित करण्याचे प्रयत्न सुरू आहेत. याबाबत इच्छुक संस्थांसोबत बैठक झाली असून सर्व बाबींची पूर्तता झाल्यानंतर निविदा प्रक्रिया सुरू करण्याचा विचार असल्याचे एका अधिकाऱ्याने सांगितले.