Mumbai Local: मुंबईकरांचा खोळंबा! कर्जतला 3 दिवस पॉवर ब्लॉक; नेरळ, खोपोली लोकल रद्द, पाहा वेळापत्रक
- Published by:Shankar Pawar
- local18
Last Updated:
Mumbai Local: मध्य रेल्वे कर्जत स्थानकावर विशेष पॉवर ब्लॉक घेणार आहे. त्यामुळे 3 दिवस नेरळ – कर्जत आणि खोपोली – कर्जत गाड्या बंद राहणार आहेत.
मुंबई: मुंबईकरांसाठी महत्त्वाची बातमी आहे. मध्य रेल्वेने मुंबई विभागातील कर्जत स्थानकावर यार्ड पुनर्रचना आणि प्री नॉन-इंटरलॉकिंगची कामे हाती घेतली आहेत. या कामांसाठी रेल्वे प्रशासनाने 3, 4 आणि 10 ऑक्टोबर रोजी विशेष ट्राफिक आणि पॉवर ब्लॉक घेतला आहे. ब्लॉक दरम्यान नेरळ – कर्जत आणि खोपोली – कर्जत मार्गावरील लोकल सेवा पूर्णपणे बंद राहणार आहेत. त्यामुळे प्रवाशांचे हाल होण्याची चिन्हे आहेत.
मध्य रेल्वेने दिलेल्या माहितीनुसार, कर्जत यार्ड पुनर्रचना कामासंदर्भात कर्जत स्थानकावर प्री नॉन-इंटरलॉकिंगसाठी विशेष वाहतूक ब्लॉक घेण्यात येणार आहे. शुक्रवारी (3 ऑक्टोबर), शनिवारी (4 ऑक्टोबर) आणि पुन्हा शुक्रवार (10 ऑक्टोबर) रोजी लोकल आणि लांब पल्ल्याच्या गाड्यांच्या वेळापत्रकात बदल करण्यात आला आहे. त्यामध्ये काही लोकल गाड्या रद्द होतील, काही गाड्या मधल्या स्थानकांवर थांबतील (शॉर्ट टर्मिनेशन) आणि काही गाड्या मधल्या स्थानकांवरून सुरू होतील (शॉर्ट ओरिजिनेशन). तर 5 ते 9 ऑक्टोबर दरम्यान लोकल आणि लांब पल्ल्याच्या गाड्यांच्या वेळापत्रकावर कोणताही परिणाम होणार नाही.
advertisement
ब्लॉकची तारीख व कालावधी
03.10.2025 (शुक्रवार) सकाळी 11.20 ते सायं 18.00 वाजेपर्यंत
04.10.2025 (शनिवार) सकाळी 11.20 ते सायं 16.45 वाजेपर्यंत
10.10.2025 (शुक्रवार) सकाळी 11.20 ते सायं 16.20 वाजेपर्यंत
ट्राफिक ब्लॉक
भिवपुरी स्थानक – जांब्रुंग केबिन – ठाकूरवाडी – नागनाथ केबिन ते कर्जत
advertisement
गाड्यांचे नियोजन
1) 3 ऑक्टोबर रोजी रोजी नेरळ व कर्जत दरम्यान अप आणि डाउन उपनगरी सेवा उपलब्ध राहणार नाहीत.
2) 4 आणि 10 ऑक्टोबर रोजी कर्जत व खोपोली दरम्यान अप आणि डाउन उपनगरी सेवा उपलब्ध राहणार नाहीत.
3 ऑक्टोबरचा ब्लॉक
शुक्रवारी अप उपनगरी गाड्या रद्द राहतील. खोपोली येथून 14.55 वाजता सुटणारी खोपोली - कर्जत उपनगरी ट्रेन रद्द करण्यात येईल.
advertisement
उपनगरी गाड्यांचे शॉर्ट टर्मिनेशन
छत्रपती शिवाजी महाराज टर्मिनस येथून 09.01, 09.30, 09.57 आणि 11.14 वाजता सुटणाऱ्या CSMT - कर्जत उपनगरी गाड्या नेरळपर्यंतच धावतील. या ठिकाणी त्या शॉर्ट टर्मिनेट केल्या जातील. ठाणे येथून 12.05 वाजता सुटणारी ठाणे - कर्जत लोकल नेरळ पर्यंत धावेल. CSMT येथून 12.20 वाजता सुटणारी CSMT - खोपोली लोकल नेरळ येथे, तर CSMT येथून 10.36 वाजता सुटणारी CSMT - कर्जत लोकल अंबरनाथ येथे शॉर्ट टर्मिनेट केली जाईल.
advertisement
उपनगरी गाड्यांचे शॉर्ट ओरिजिनेशन
कर्जत येथून 10.43, 11.19, 12.00, 13.00 आणि 13.55 वाजता सुटणाऱ्या कर्जत - CSMT लोकल गाड्या नेरळ येथून धावतील. तर कर्जत येथून 13.27 वाजता सुटणारी कर्जत - ठाणे लोकल नेर मधून सुरू होईल. कर्जत येथून 12.23 वाजता सुटणारी कर्जत - CSMT लोकल अंबरनाथ येथून धावेल.
दरम्यान, 3 ऑक्टोबर रोजी डाउन उपनगरी गाड्या रद्द होणार नाहीत. तसेच मेल व एक्सप्रेस गाड्यांवर कोणताही परिणाम होणार नाही.
advertisement
4 आणि 10 ऑक्टोबर रोजीच्या वाहतुकीवर परिणाम
डाउन उपनगरी गाड्या रद्द
कर्जत येथून 12.00, 13.15 आणि 15.39 वाजता सुटणाऱ्या कर्जत - खोपोली लोकल गाड्या रद्द.
अप उपनगरी गाड्या रद्द
खोपोली येथून 11.20, 12.40 आणि 14.55 वाजता सुटणाऱ्या खोपोली - कर्जत लोकल गाड्या रद्द.
उपनगरी गाड्यांचे शॉर्ट टर्मिनेशन
CSMT येथून 12.20 वाजता सुटणारी CSMT - खोपोली लोकल कर्जतपर्यंत धावेल.
advertisement
उपनगरी गाड्यांचे शॉर्ट ओरिजिनेशन
खोपोली येथून 13.48 वाजता सुटणारी खोपोली - CSMT लोकल कर्जत येथून धावेल. 4 ते 10 ऑक्टोबर दरम्यान मेल व एक्सप्रेस गाड्यांच्या धावण्यावर कोणताही परिणाम होणार नाही.
दरम्यान, काही मेल व एक्सप्रेस गाड्या मंकी हिल केबीन येथे मिड-मार्गावर वळविण्यात येतील, परंतु याचा मुख्य ट्रॅकवरील गाड्यांच्या धावण्यावर कोणताही परिणाम होणार नाही.
Location :
Mumbai,Maharashtra
First Published :
October 03, 2025 8:15 AM IST
मराठी बातम्या/मुंबई/
Mumbai Local: मुंबईकरांचा खोळंबा! कर्जतला 3 दिवस पॉवर ब्लॉक; नेरळ, खोपोली लोकल रद्द, पाहा वेळापत्रक
