Mumbai News : मुंबईच्या शिवडीत एकामागून एक 4 सिलेंडरचे स्फोट, चाळीला आग-धुरांचे लोट, नेमकं काय घडलं?
- Published by:Prashant Gomane
Last Updated:
मुंबईत महापालिका निवडणुकीचा अर्ज भरण्याच्या शेवटच्या दिवशी राजकीय पक्षाची लगबग सूरू असताना तिकडे वडाळ्यातील शिवडीमध्ये सिलेंडरचे एकामागून एक 4 स्फोट झाल्याची घटना घडली आहे. शिवडीच्या रेतीबंदर रोडवरील गुरुकृपा चाळीत ही स्फोटाची घटना घडली आहे.
Mumbai News : मुंबईत महापालिका निवडणुकीचा अर्ज भरण्याच्या शेवटच्या दिवशी राजकीय पक्षाची लगबग सूरू असताना तिकडे वडाळ्यातील शिवडीमध्ये सिलेंडरचे एकामागून एक 4 स्फोट झाल्याची घटना घडली आहे. शिवडीच्या रेतीबंदर रोडवरील गुरुकृपा चाळीत ही स्फोटाची घटना घडली आहे. ही घटना इतकी भयानक होती चाळीतील 5-6 घरे जळुन खाक झाले आहे.या घटनेत जिवितहानी झाल्याची अद्याप तरी कोणतीही माहिता समोर आली नाही आहे. पण या घटनेने परिसरात खळबळ माजली आहे.
मिळालेल्या माहितीनुसार शिवडीच्या रेतीबंदर रोडवरील गुरुकृपा चाळीत ही आज दुपारी 3.15 वाजता घटना घडली आहे. या घटनेत सूरूवातीला एका चाळीतील घरात शॉर्ट सर्किट होऊन आग लागल्याची घटना घडली होती. ही आग पुढे पुढे पसरत गेली आणि
एका घरात असलेल्या गॅस सिलिंडरचा भीषण स्फोट झाला.त्यानंतर आजूबाजूच्या घरात असलेल्या 3 सिलिंडरचा स्फोट झाल्याने परिस्थिती अधिक गंभीर झाली.एकूण ४ सिलिंडरच्या स्फोटांनी संपूर्ण परिसर हादरून गेला होता.
advertisement
दरम्यान या घटनेची माहिती मिळताच अग्निशामक दलाच्या अनेक गाड्या घटनास्थळी दाखल झाल्या आहेत. अग्निशमन दलासोबतच शिवडी पोलीस, पालिकेचा वॉर्ड स्टाफ आणि बेस्टचे कर्मचारीही तातडीने मदतीसाठी पोहोचले आहेत.तसेच या घटनेनंतर बरदारीचा उपाय म्हणून परिसरातील विद्युत पुरवठा खंडित करण्यात आला आहे.
सुदैवाने या भीषण स्फोटात कोणतीही जीवितहानी झाल्याचे वृत्त नाही.आगीवर नियंत्रण मिळवण्याचे काम युद्धपातळीवर सुरू असून नागरिकांमध्ये घबराटीचे वातावरण आहे. पोलीस आणि अग्निशमन दलाने परिसराची नाकेबंदी केली असून बचावकार्य सुरू आहे.
view commentsLocation :
Mumbai,Maharashtra
First Published :
Dec 30, 2025 3:59 PM IST
मराठी बातम्या/मुंबई/
Mumbai News : मुंबईच्या शिवडीत एकामागून एक 4 सिलेंडरचे स्फोट, चाळीला आग-धुरांचे लोट, नेमकं काय घडलं?
