व्हॅलेंटाइन डेच्या आधी हॉट होणार मुंबई, बाहेर पडण्याआधी एकदा पाहा टेम्परेचर

गेल्या काही काळात मुंबईत उत्तरेतील थंड वाऱ्यांचा प्रभाव जाणवत होता. त्यामुळे रात्री हवेत गारवा होता. आता या वाऱ्यांची दिशा बदलणार आहे. आता हे वारे पूर्वेकडून पश्चिमेकडे वाहणार आहेत. त्यामुळे दिवसा तापमान 35 अंशांपर्यंत जाण्याची शक्यता आहे. बुधवारी 17 अंश सेल्सिअस किमान तापमान नोंदवलं गेलं. आता किमान तापमानात देखील वाढ होणार असून ते रात्री 21 अंशांपर्यंत जाण्याची शक्यता आहे. तरीही अद्याप मुंबईतील थंडी संपलेली नाही. पुढच्या आठवड्यात वेस्टर्न डिस्टर्बेस येण्याची शक्यता असून त्यानंतर तापमानात घट होण्याची शक्यता आहे.