Konkan Ro Ro: गणेशोत्सवाचा मुहूर्त हुकणार! कोकण रोरो सेवेबाबत महत्त्वाचं अपडेट

कोकणात गणेशोत्सव मोठ्या उत्साहात साजरा केला जातो. लाखो चाकरमानी या काळात मुंबईतून कोकणात जात असतात. यंदा अनेकांनी रोरो बोटीने मुंबईहून मालवणला जाण्याचा बेत आखला होता. मात्र, हा प्लॅन या वर्षी फिसकटण्याची चिन्हे आहेत. गणेशोत्सवापर्यंत ही सेवा सुरू करण्याचा सरकारचा मानस होता. परंतु, प्रवासी बोटीसाठी जेट्टी उभारण्याची गरज असून जेट्टी तयार झाल्यावरच प्रवासी बोटसेवा सुरू होणार असल्याची माहिती एका वरिष्ठ अधिकाऱ्याने दिली.