ब्रिटीश खुणा पुसल्या! जुना एल्फिन्स्टन पूल जमीनदोस्त; किती महिन्यांत उभारणार डबल डेकर पूल?

गेल्या सहा ते सात महिन्यांपासून एल्फिन्स्टन पूलाचे पाडकाम होणार होते मात्र विविध कारणांमुळे ते रखडले गेले होते मात्र शनिवारी रात्री मुंबई शहरातील ब्रिटिशकालीन एल्फिन्स्टन पूल पाडण्यात आला.विशेष म्हणजे मध्य रेल्वे आणि महारेल यांच्या प्रयत्नातून हे मोठे काम फक्त एका रात्रीत पूर्ण करण्यात आलेले आहे. या कामासाठी साडेसात तासांचा महाब्लॉक घेण्यात आला होता.

एल्फिन्स्टन पूल पाडण्यामागील कारण म्हणजे या ठिकाणी नवा मार्ग उभारण्यात येणार आहे. जो असेल वरळी-शिवडी उन्नत मार्ग. त्यात आता या ठिकाणी नवीन डबलडेकर पूल उभारला जाणार आहे. नवा पूल साधारण चार महिन्यांत पूर्ण करण्याचे उद्दिष्ट समोर ठेवण्यात आले आहे. या नव्या पूलासाठी लागणारे महत्त्वाचे गर्डर्स नोएडा येथून लवकर मुंबईत आणण्यात येतील शिवाय नव्या पुलाचे काम जलद गतीने पूर्ण केले जाईल.