'...मला डिवचू नका', 17 मुलांना ओलीस ठेवणाऱ्या रोहित आर्याची वॉर्निंग, नक्की प्लॅन काय होता?

गुरुवारचा दिवस मुंबईकरांसाठी धडकी भरवणारा ठरला आहे. पवईतील आरए स्टुडिओमध्ये एखाद्या चित्रपटालाही लाजवेल, अशाप्रकारचं दृश्य बघायला मिळालं. इथं रोहित आर्या नावाच्या एका व्यक्तीने ऑडिशन्सच्या नावाखाली काही मुलांना स्टुडिओमध्ये बोलवून त्यांना बंदिस्त बनवून ठेवलं. सर्व मुलांना जाळून मारण्याची धमकी दिली. सरकारने आपले दोन कोटी रुपये थकवले आहेत, हेच पैसे परत मिळवण्यासाठी रोहित आर्याने हे ओलीसनाट्य घडवलं होतं. पण या मुलांची सुटका करत असताना पोलिसांनी रोहित आर्याचं एन्काऊंटर केलं. छातीत गोळी लागून त्याचा मृत्यू झाला.