म्हाडा कॉलनीत थरार! सफाई काम करतानाच ओढवला प्रसंग, पण पुढं घडलं ते पाहून अंगावर काटा येईल

भिवंडी महापालिकेच्या प्रभाग समिती 5 अंतर्गत म्हाडा कॉलनी आहे त्या परिसरातील ही घटना आहे. सफाई कामगार नरेश सग्गम हे नेहमीप्रमाणे त्यांच्या सहकाऱ्यांसोबत रस्ताची साफसफाई करत होते. त्या दरम्यान रस्त्यावरुन जाणाऱ्या एका वाहनात वीजखांबाची लोंबकळणारी वायर अडकली होती. त्यातच वाहनाचा वेग असल्याने वायरला जोरदार हिसका बसला आणि तो गंजलेला खांब थेट नरेश यांच्या डोक्यावर कोसळला.

तो थांब नरेश यांच्यावर पडताच ते गंभीर जखमी झाले. नंतर तिथं असलेल्या नागरिकांनी आणि त्यासोबत काम करणाऱ्या इतर सहकाऱ्यांनी तातडीने त्यांनी उचलले आणि जवळच्या रुग्णालयात नेले. सध्या त्यांच्यावर उपचार सुरु असून त्यांची प्रकृती स्थिर असल्याची माहिती समोर येत आहे.