'नेव्हीच्या Headquarter घुसला, पांढऱ्या पिशवीत रायफल आणि 40 गोळ्या घेऊन गेला', हादरवणारा सीसीटीव्ही समोर

पोलिसांनी दिलेल्या माहितीनुसार, शनिवारी रात्री एक तरुण अग्निवीर नौदलाच्या गणवेशात प्रवेशद्वारावरील बंदोबस्ताच्या कर्तव्यावर असलेल्या गार्डकडे आला. ‘मी अग्निवीर असून मला येथे ड्युटी देण्यात आली आहे’, असे त्याने त्या गार्डला सांगितले. त्यानंतर कर्तव्यावरील गार्डने स्वत:कडील रायफल आणि गोळ्या त्याच्याकडे सोपवल्या आणि तिथून निघून गेला. पश्चिम नौदल कमांड मुख्यालयाच्या निवासी वसाहतीत घडली. सुरक्षेतील ढिलाईचा हा प्रकार उघडकीस आल्यानंतर पोलिस आणि गुन्हे शाखेची अनेक पथके संशयित अग्निवीरचा शोध घेत आहेत. मात्र सीसीटिव्ही समोर आल्यानंतर हा प्रकार एका व्यक्तीने नाही तर यामध्ये दोन व्यक्ती सहभागी असल्याचे समोर आले आहे.