ST Fare: लालपरीचा प्रवास आजपासून स्वस्त, आता फुल तिकीट वाल्यांना सवलत, काय आहे नवी योजना?

मुंबई: आरामदायी आणि सुरक्षित प्रवसासाठी राज्यात एसटी बसला अनेकांची पसंती असते. प्रवाशांना आकर्षित करण्यासाठी एसटीकडून देखील विविध योजना राबविल्या जातात. महिलांना अर्ध्या तिकीटात प्रवास मिळत असतानाच आणखी एक खास सवलत योजना जाहीर करण्यात आलीये. लांब आणि मध्यम पल्ल्याच्या प्रवासासाठी आगाऊ आरक्षण करणाऱ्या पूर्ण तिकीटधारी प्रवाशांना आता 15 टक्क्यांपर्यंत सवलत मिळणार आहे. याबाबत परिवहन मंत्री प्रताप सरनाईक यांनी नुकतीच घोषणा केलीये.