MSRTC News: UPI मुळे 4 महिन्यांत लाखो तिकिटांची विक्री, एसटीच्या खात्यात कोटींचा महसूल गोळा

एसटी महामंडळाने बस स्थानकांवर, तिकीट खिडक्यांवर तसेच प्रवासा दरम्यान कंडक्टरकडून यूपीआय पेमेंटची सुविधा उपलब्ध करून दिल्यामुळे प्रवाशांच्या वेळेत अधिकाधिक बचत होत आहे. रोख रकमेचा आणि सुट्टे पैसे ठेवण्याचा त्रास प्रवासांचा आता कमी झाला आहे. अर्थातच, त्यामुळे सुट्ट्या पैशांवरुन कंडक्टरसोबत होणार्‍या अनावश्यक वाद- विवादाला आता अखेर पूर्णविराम मिळाला आहे. याबरोबरच अनेक कंडक्टर्सकडून होणारा पैशाचा गैरव्यवहार रोखण्यासाठी देखील डिजिटल पेमेंट प्रक्रियेची मदत झाली आहे. त्यामुळे यूपीआय व्यवहारांमुळे पारदर्शकता वाढली असून महसूल गळतीला आळा बसण्यास मदत होत आहे. येत्या काळात डिजिटल पेमेंटचा वापर आणखीनच वाढेल, असा विश्वास एसटी प्रशासनाने आता व्यक्त केला आहे.