एकाहून सुंदर अशी नथ, तेही अगदी फक्त 50 रुपयांपासून, मुंबईतील हे मार्केट आहे भारी ऑप्शन, VIDEO

नथ हा असा दागिना आहे, कोणत्याही कपड्यांची शोभा वाढवतो. प्रत्येक महाराष्ट्रीयन घरात नथ हा दागिना महिला वापरतात. सोन्यात घडवलेला हा दागिना सौंदर्यात भर घालणारा आहे. मोरपंखी नथ ही देखील हल्लीच्या काळात खूपच प्रसिद्ध झाली आहे. यामध्ये छान बाकदार मोर असतो. या मोराचा आकार लहान मोठा असतो. त्यानुसार या नथीचा आकार ठरत असतो. या मोरपंखी नथची किंमत 100 रुपये आहे.

मोत्याची नथ ही कोणत्याही प्रकारच्या चेहऱ्यावर ही नथ शोभून दिसते. या नथीसह आपण मोत्याचे दागिने घातले तर आणखी शोभा वाढते. या नथीची ओळख खड्यानेच होते. शिवाय ही नथ आकाराने सगळ्या नथींपेक्षा थोडी मोठी असते. याची किंमत ही 50 रुपयांना आहे. मराठा नथ ही महाराष्ट्रातील प्रचलित अशा नथीच्या प्रकारापैकी एक आहे. अर्धगोल मोत्यांची गुंफण करुन हा दागिना घडवला जातो. यामध्ये मोतीच्या दोन सरी किंवा एक सर असते. नथवरच्या भागावर मोर किंवा एखादा खडा असतो. अशी ही नथ नथडा म्हणून ओळखली जाते. या नथची किंमतही 50 रुपयांपासून पुढे आहे.