8 वर्षांपूर्वी 400 रुपयांची गुंतवणूक, आता महिन्याला 1 लाख रुपयांची उलाढाल, धाराशिवमधील तरुणाने करुन दाखवलं!, VIDEO

धाराशिव : अनेक जण नोकरीत करिअर करतात. तर काहींना व्यवसाय चांगला वाटतो. मात्र, व्यवसाय करत असताना अनेक अडचणींचा सामना करुनही अनेक जण त्यात यशस्वी होऊन दाखवतात. आज अशाच एका व्यक्तीची कहाणी आपण जाणून घेणार आहोत. या व्यक्तीने 8 वर्षांपूर्वी 400 रुपयांची गुंतवणूक करुन व्यवसाय सुरू केला. आज हा व्यक्ती महिन्याला 1 लाख रुपयांची उलाढाल करत आहे.

सचिन कराळे असे या व्यक्तीचे नाव आहे. त्यांनी धाराशिव जिल्ह्यातील भूम शहरातील एसबीआय बँकेजवळ यांनी 8 वर्षांपूर्वी चहाचे हॉटेल सुरू केले. सुरुवातीला त्यांनी 400 ते 500 रुपयांची गुंतवणूक केली. व्यवसाय सुरू करताना चहा बनवता येत नव्हता. त्यामुळे ते चहा बनवायला शिकले. त्यानंतर हळूहळू ग्राहकांचा प्रतिसाद मिळत गेला, तसा चहा प्रसिद्ध होत गेला. अगोदर साखरेचा चहा विकणाऱ्या सचिनने आता साखरेचा चहा सोडून गुळाचा चहा विकायला सुरुवात केली आहे.