लंडनचा 'सत्य अमित' निघाला मुंबईतील 'ऑलिव्हर'; घटस्फोटित महिलेसोबत प्रेमाचं नाटक, त्यानंतर घातला जबरदस्त गंडा
- Published by:Jaykrishna Nair
Last Updated:
Online Matrimonial Scam: ऑनलाईन वैवाहिक संकेतस्थळावर प्रेम आणि लग्नाचे आमिष दाखवून घटस्फोटित महिलेला तब्बल 5.55 लाखांचा गंडा घालण्यात आला. बागलकोट सायबर पोलिसांनी मुंबईत छापा टाकून नायजेरियन नागरिकाला अटक केली.
बागलकोट: ऑनलाइन वैवाहिक संकेतस्थळांवर जोडीदार शोधणाऱ्या महिलांना फसवण्याचे प्रकार वाढत आहेत. असाच एक प्रकार बागलकोट जिल्ह्यातील इळकल येथे घडला आहे. ज्यात एका घटस्फोटित महिलेला 5 लाखांहून अधिक रुपयांना गंडवण्यात आले. या प्रकरणी बागलकोट सायबर पोलिसांनी एका नायजेरियन नागरिकाला मुंबईतून अटक केली आहे.
advertisement
घटस्फोटानंतर नव्या आयुष्याची सुरुवात करू इच्छिणाऱ्या एका महिलेने एका वैवाहिक संकेतस्थळावर नोंदणी केली होती. त्यावेळी, सत्य अमित नावाच्या एका व्यक्तीने तिच्याशी संपर्क साधला. त्याने स्वतःला लंडनमध्ये राहणारा एक श्रीमंत व्यावसायिक असल्याचे सांगितले. दोघांमध्ये अनेक महिने बोलणे झाले आणि आरोपीने महिलेचा विश्वास संपादन केला.
advertisement
या विश्वासानंतर आरोपीने महिलेला सांगितले की त्याने एक कोटी अमेरिकन डॉलर्स भारतात आणले आहेत. पण दिल्ली विमानतळावर कस्टम विभागाने हे पैसे जप्त केले आहेत. हे पैसे सोडवण्यासाठी त्याला भारतीय रुपयांची गरज आहे असे सांगून त्याने महिलेकडून पैसे मागितले. मदतीच्या भावनेतून महिलेने वेगवेगळ्या खात्यांमध्ये एकूण 5.55 लाख रुपये पाठवले.
advertisement
पैसे मिळाल्यानंतर आरोपीने संपर्क तोडला. आपली फसवणूक झाल्याचे लक्षात आल्यावर महिलेने इळकल शहर पोलिस ठाण्यात तक्रार दाखल केली. या प्रकरणाचा तपास बागलकोट सायबर, इकॉनॉमिक अँड नारकोटिक्स (CEN) पोलिसांनी केला. तांत्रिक माहितीच्या आधारे पोलिसांनी आरोपीचा माग काढला आणि तो मुंबईत असल्याचे निष्पन्न झाले.
advertisement
पोलिसांनी मुंबईत छापा टाकून ऑलिव्हर वुगुओ ओकिचिकू या नायजेरियन नागरिकाला अटक केली. त्याच्याकडून चार मोबाईल फोन, एक लॅपटॉप, पासपोर्ट आणि बनावट अमेरिकन डॉलर्सची कागदपत्रे जप्त करण्यात आली. पोलिसांनी नागरिकांना अशा प्रकारच्या ऑनलाइन फसवणुकीपासून सावध राहण्याचे आवाहन केले आहे. कोणताही आर्थिक व्यवहार करण्यापूर्वी पूर्ण खात्री करून घ्यावी आणि संशयास्पद वाटल्यास तात्काळ पोलिसांना कळवावे, असे आवाहन पोलिसांनी केले आहे.
advertisement
Location :
Mumbai,Maharashtra
First Published :
September 05, 2025 3:58 PM IST
मराठी बातम्या/देश/
लंडनचा 'सत्य अमित' निघाला मुंबईतील 'ऑलिव्हर'; घटस्फोटित महिलेसोबत प्रेमाचं नाटक, त्यानंतर घातला जबरदस्त गंडा
