निवडणूक आयोगाची तातडीची पत्रकार परिषद, थेट राहुल गांधींना उत्तर देणार? दिल्लीतील वातावरण तापले

गेल्या काही दिवसांपासून निवडणूक आयोग आणि विरोधी पक्षांमध्ये तणावाचे वातावरण दिसून येत आहे. काँग्रेस नेते राहुल गांधींनी नुकतेच निवडणूक आयोगावर गंभीर आरोप केले होते. त्यांनी म्हटले होते की, आयोग सत्ताधारी पक्षाच्या दबावाखाली काम करत असून मतदार यादीतील फेरफार आणि मतदान प्रक्रियेतील पारदर्शकतेवर त्यांनी प्रश्न चिन्ह उपस्थित केले होते. राहुल गांधींनी ट्विटर (X) आणि पत्रकार परिषदांमधून थेट टीका करत निवडणूक आयोगाच्या निष्पक्षतेवर प्रश्नचिन्ह उपस्थित केले होते.

त्यांच्या आरोपांनंतर राजकीय वातावरण तापले आहे. काँग्रेस आणि इतर विरोधी पक्ष आयोगाकडे आक्षेप घेत असताना, भाजप नेत्यांनी राहुल गांधींच्या वक्तव्यांना "आधारहीन आणि निवडणुकीपूर्वीची राजकीय नौटंकी" असे संबोधले आहे. मात्र निवडणूक आयोगाची भूमिका काय आहे, याकडे सर्वांचे लक्ष लागले आहे.