पीएम मोदींनी वचन पूर्ण केलं; आफ्रिकन युनियनला जी20 मध्ये 'असं' मिळालं स्थान, जयशंकर यांनी सांगितली इनसाईड स्टोरी

नवी दिल्ली, 10 सप्टेंबर : राजधानी दिल्लीमध्ये भारताच्या अध्यक्षतेखाली जी20 शिखर परिषद सुरू आहे. पंतप्रधान नरेंद्र मोदी यांच्या प्रस्तावानंतर शनिवारी आफ्रिकन युनियनला जगातील सर्वात मोठी अर्थव्यवस्था असलेल्या देशांचा समूह जी20 चा स्थायी सदस्य म्हणून मान्यता देण्यात आली. पंतप्रधान नरेंद्र मोदी यांनी दोन दिवशीय जी20 शिखर परिषदेच्या उद्घाटन सत्रामध्येच आफ्रिकन युनियनला जी20 चा स्थायी सदस्य म्हणून मान्यता देण्यात आल्याची घोषणा केली. याबाबत बोलताना परराष्ट्रमंत्री व्यवहार मंत्री डॉ. एस जयशंकर यांनी म्हटलं की, पीएम मोदी यांनी आफ्रिकन युनियनला G20 मध्ये जागा मिळून देत आपलं वचन पूर्ण केलं.