Trending:

Japan Earthquake: जपानमध्ये भूकंप, 13 वर्षे आणि 18 हजार मृत्यू... पुन्हा उद्भवणार का 2011 सारखी परिस्थीती?

Published by:Devika Shinde

Last Updated:January 01, 2024 3:51 PM IST

या भूकंपामुळे आधी तुर्कस्तान आणि सीरिया आणि नंतर अफगाणिस्तानात प्रचंड विध्वंस झाला.

मुंबई : जगात वेगवेगळ्या ठिकाणी भूकंप होत असतात. त्यात जपानमध्ये वारंवार भूकंप होत असल्याच्या बातम्या तुम्ही ऐकल्याच असणार. पुन्हा एकजा जपानला भूकंपाचे धक्के जाणवले, ज्यामुळे नविन वर्ष जपानसाठी गंभीर ठरला. ७.६ रिश्टर स्केल तीव्रतेचा हा भूकंप होता त्यानंतर सुनामीचा इशारा देण्यात आला.

31 डिसेंबरच्या रात्री नेपाळमध्ये 4.3 तीव्रतेचे भूकंपाचे धक्के जाणवले. 2023 हे वर्ष भूकंपाच्या दृष्टीने अत्यंत गंभीर आहे. या भूकंपामुळे आधी तुर्कस्तान आणि सीरिया आणि नंतर अफगाणिस्तानात प्रचंड विध्वंस झाला.

जपानमध्ये दररोज भूकंप होत असले तरी 2011 मध्ये झालेल्या भूकंपाने प्रचंड विध्वंस घडवून आणला होता. 2011 मध्ये प्रचंड भूकंपामुळे आलेल्या त्सुनामीने उत्तर जपानचा मोठा भाग उद्ध्वस्त केला होता आणि फुकुशिमा अणु प्रकल्पही प्रभावित झाला होता.

आम्ही तुम्हाला सांगतो की, पृथ्वीच्या टेक्टोनिक प्लेट्सची सीमा बनवणाऱ्या रिंग ऑफ फायरवर स्थित जपान भूकंपांसाठी अत्यंत संवेदनशील आहे. 2011 मध्ये, 11 मार्च रोजी, उत्तर-पूर्व जपानच्या किनारपट्टीवर 9 तीव्रतेचा भूकंप झाला, परिणामी त्सुनामी आली, ज्यामुळे हजारो लोकांचा मृत्यू झाला आणि जपानमध्ये विनाशाचे दृश्य निर्माण झाले.

रिश्टर स्केलवर 9 तीव्रतेच्या भूकंपामुळे, 6 ते 10 मीटर उंचीच्या त्सुनामीच्या लाटा निर्माण झाल्या, ज्याने जपानच्या किनारपट्टीच्या भागात हाहाकार माजवला आणि 10 किलोमीटरपर्यंत समुद्रकिनाऱ्यापर्यंत पोहोचले आणि 18 हजार लोकांचा मृत्यू झाला. रस्त्यांवर रेल्वेचे मोठे नुकसान झाले. अनेक ठिकाणी आग लागली, धरण कोसळले. 14 लाख घरांमध्ये पिण्याच्या पाण्याचा पुरवठा ठप्प झाला होता.

गेल्या ऑक्‍टोबर महिन्यातही भूकंपाची तीव्रता 6.6 इतकी असल्याचे सांगण्यात आले होते. यानंतर जपानी हवामान संस्थेनेही सुनामीचा इशारा दिला होता. मिळालेल्या माहितीनुसार, जपानने आपल्या बाह्य बेटांजवळ भूकंपानंतर सुनामीचा इशारा दिला होता. सुनामीमुळे एक मीटर उंच लाटा उसळण्याची शक्यता अधिकाऱ्यांनी व्यक्त केली होती.