बस अग्निकांड प्रकरणात मोठी अपडेट! 200 मोबाइल नेणं महागात पडलं, एका चुकीनं केला 32 प्रवाशांचा कोळसा

बस वेगाने जात असताना ही दुर्दैवी घटना घडली. मोटारसायकलशी धडकल्यानंतर बसच्या पुढच्या भागाला आग लागली आणि काही सेकंदातच संपूर्ण बस आगीच्या भक्ष्यस्थानी पडली. प्रवाशांनी आरडाओरड सुरु केली आणि पळून जाण्याचा प्रयत्न केला. काही जण पळून जाण्यात यशस्वी झाले, परंतु अनेक जण आगीत अडकले. आग इतकी भीषण होती की अग्निशमन दलाच्या गाड्यांनाही ती लगेच विझवता आली नाही. प्रथमदर्शनी बाईकला धडक होऊन हा अपघात झाला असल्याची बातमी पसरली.

फोन्सच्या बॅटरीमुळे ही आग भयंकर वाढल्याचा अंदाज आहे. बाईकला धडक होऊन आधीच फ्यूल पसरलं होत. त्यात बॅटरीमध्ये असणारे लिथियमने आणखी पेट घेतला. ज्यामुळे हा स्फोट आणखी तीव्र झाला. ज्यामुळे आगीचा भडका उडाला. या अपघातात जीव वाचलेल्यानी या संपूर्ण भयावह अपघाताची माहिती दिली, ज्यामध्ये त्यांनी सांगितलं की, बसला आग लागली त्यानंतर बसमधून खूप जोरात काही फुटल्याचा आवाज येऊ लागला, जे कदाचित मोबाईल फोन्सची बॅटरी फुटल्यामुळे असण्याची शक्यता वर्तवली गेली.