फलटणनंतर आता राजधानी हादरली! सैन्यातील लेफ्टनंटचा सरकारी डॉक्टरवर ड्रग्ज देऊन अत्याचार

Man Faked Identity As Army Officer : सातारा जिल्ह्याच्या फलटण येथील डॉक्टर महिलेनं केलेल्या आत्महत्या प्रकरणाने संपूर्ण महाराष्ट्रात खळबळ उडाली आहे. साताऱ्याच्या फलटण येथील उपजिल्हा रुग्णालयातील महिला डॉक्टरने आत्महत्या करत स्वतःच जीवन संपवलं आहे. हे प्रकरण ताज असतानाच राजधानीतून आणखी एक धक्कादायक घटना उघडकीस आली आहे. सोशल मीडियाद्वारे मैत्री, लग्नाचे आश्वासन आणि त्यानंतर बलात्काराचा एक खळबळजनक प्रकार उघडकीस आला आहे. एका 27 वर्षीय तरुणाने कथित लष्करी लेफ्टनंट असल्याचे भासवून सरकारी रुग्णालयात काम करणाऱ्या महिला डॉक्टरला फसवले. पीडितेच्या तक्रारीवरून आरोपीची खरी ओळख उघड झाली आहे. पोलिसांनी त्याला अटक केली आहे आणि सध्या त्याची चौकशी सुरु आहे.